नातं कसं असावं

विसरून जाऊ जग सगळे,

अशी संगत असावी,

विसरणार नाही जग कधीही,

अशी रंगत चढावी

जाणीवा न राहाव्या कसल्या,

असे रसायन बनावे

तहान न राहावी पुन्हा,

असे प्राशन करावे

नजर नजरेस मिळता,

ठिणगी अशी निघावी

ठिणगीचा वणवा व्हावा,

तरीही खबर नसावी

युगे निघून जावी सोबत,

दोघांना न कळावी

दूर झाल्यावर मात्र,

घटका ही न सरावी

श्रीमंतीची गरज नको पण,

सोबतीची आस असावी

संसाराची गाडी मात्र,

रस्त्याकाठी निवांत असावी

-आकाश